Интересна јавна расправа се очекува следната среда во американскиот Конгрес. Комисијата за надзор на Претставничкиот дом предводена од републиканците ќе испрашува неколку луѓе, вклучувајќи го и 36-годишниот поранешен разузнавач Дејвид Груш, за неидентификувани летечки објекти (НЛО), кои сега официјално се нарекуваат Неидентификувани воздушни феномени (УАП). Груш тврди дека американската влада има во посед соборен вонземјански брод.
Дејвид Груш изнесе експлозивно тврдење дека тајните програми поврзани со инженерско тестирање на НЛО биле незаконски скриени од Конгресот.
Инспекторатот за надзор над националните разузнавачки агенции смета дека наводите на Груш се „веродостојни и итни“, додека Чарлс МекКало III, поранешен генерален инспектор на разузнавачката заедница – назначен од претседателот Барак Обама, потврден од Сенатот, а сега адвокат од висок профил во приватна пракса – го застапуваше Груш во процедура за „свиркачи“ преку Конгресот.
Во пресрет на сослушувањето на Груш, се подготвува иницијатива во Конгресот за објавување владини досиеја за НЛО и сега има двопартиска поддршка, пишува американскиот неделник Newsweek во написот „НЛО ги зближуваат демократите и републиканците“.
Водачот на мнозинството во Сенатот, демократот Чак Шумер во петокот предложи амандман на Законот за овластување за национална одбрана (NDAA) кој ќе бара откривање на информации поврзани со НЛО. Според тој амандман, Државната управа за архив и евиденција ќе создаде збирка на записи за итно јавно објавување, освен ако специјален одбор за преглед од девет члена не оцени дека е неопходно одредени записи да се чуваат во тајност.
Амандманот сугерира дека американската влада или приватните компании тајно поседуваат откриени НЛО и „биолошки докази за жива или почината нечовечка интелигенција“, со нечовечка интелигенција дефинирана како „секој чувствителен интелигентен нечовечки облик на живот, без оглед на природата или крајното потекло, што може да се претпостави дека е одговорно за НЛО.
Со оглед на децениската стигма поврзана со темата НЛО, таквата терминологија би била зачудувачка дури и да не била предложена од највисокиот пратеник на Сенатот. Според изјавата на амандманот, откривањето на претходно непозната владина програма за анализа на НЛО во 2017 година поттикна широка истрага на Конгресот и откри „огромна мрежа на поединци и групи“ кои тврдат дека знаеле за тајни програми и информации поврзани со НЛО.
Според Шумер, „големиот број и разновидност“ на тврдења поврзани со НЛО наведоа некои во Конгресот да веруваат дека американската влада долго време криела важни информации. Згора на тоа, толкувањето на амандманот вели дека „веродостојните докази и сведоштвата покажуваат дека постојат федерални владини записи (на НЛО) кои не се декласифицирани“ како што се бара со закон. За таа цел, амандманот на Шумер предвидува независна агенција од девет члена да собира, прегледува и декласифицира записи за НЛО. Доколку биде усвоен во сегашната форма, законот ќе бара сите владини документи за НЛО „да носат претпоставка за итно [јавно] обелоденување“.
UFO witnesses have vouched to Congress for whistleblower's claims, journalist says | NewsNation Live@NewsNation https://t.co/G4o3fb47Mm
— Dennis Koch (@DennisKoch10) July 19, 2023
Во последниве години, иницијативите за поголемо откривање на информации за НЛО и слични теми значително се зајакнаа, откако се појавија декласифицирани извештаи и документи, кои го открија степенот на следење на оваа појава во органите на американската влада. Во 2021 година, голем број документи беа декласифицирани кои открија видувања на НЛО и UAP, главно од членови на американската морнарица, кои датираат од 2004 година.
„Со децении, многу Американци беа фасцинирани од мистериозни и необјаснети предмети. Требаше да добијат некои одговори одамна“, рече Шумер.
„Американската јавност има право да знае за технологии од непознато потекло, нечовечка интелигенција и необјаснети феномени. „Ние не само што работиме на декласификација на она што владата претходно го дознала за овие феномени, туку и да ја отвориме можноста дека идните истражувања ќе бидат отворени за јавноста“, објасни Шумер.
Амандманот на NDAA беше поддржан од републиканските сенатори Марко Рубио од Флорида, Мајк Раундс од Јужна Дакота и Тод Јанг од Индијана. На демократската страна се сенаторите Кирстен Гилибранд од Њујорк и Мартин Хајнрих од Ново Мексико.
По повод најавеното рочиште, републиканскиот претседател на Претставничкиот дом Кевин Мекарти рече дека би сакал да ги слушне сите факти и достапни информации бидејќи американскиот народ треба да биде свесен што се случува. Претставникот Тим Буршет, кој го води ова сослушување со тврдокорната републиканка, Ана Паулина Луна, најави дека пред Комитетот ќе се појават професионалци, поради што релевантните државни агенции не се многу задоволни.
„Ми се гади од влада… која не им верува на народот“, рече тој откако беше притиснат од медиумите за повеќе детали.
Претходно оваа година, канцеларијата на Пентагон задолжена за истрага на информации за НЛО – наречена All-domain Anomaly Resolution Office (AARO) – потврди дека истражувала повеќе од 800 случаи кои датираат од пред неколку децении, но не идентификувале ниту еден што може да се припише на вонземско потекло. Шон Киркпатрик, директор на таа канцеларија на Пентагон, изјави пред поткомитетот на Сенатот во април дека „само многу мал процент“ од извештаите содржат аномалии, а повеќето неидентификувани објекти пријавени на ААРО ги покажуваат секојдневните карактеристики на балони, беспилотни воздушни системи, природни феномени или друг лесно објаснет извор.
Засега не се знае кој, освен Груш, в среда ќе сведочи пред Надзорната комисија. Во интервју за NewsNation, Марко Рубио, потпретседател на Комитетот за разузнавање на Сенатот, рече дека само еден од двата вонредни исходи на крајот ќе ги објасни неодамнешните случувања: „Или она што (Груш – н.з.) го кажува е делумно или целосно правилно или во спротивно имаме некои навистина паметни, образовани луѓе со високи квалификации и многу важни позиции во нашата влада кои се луди и не водат во хајка“
„Повеќето од овие луѓе“, продолжи Рубио, „имаа многу високи овластувања и високи позиции во нашата влада. Па прашувате: што би ги мотивирало толку многу луѓе со такви квалификации – сериозни луѓе – да измислат такво нешто?