Американскиот потпретседател Камала Харис, 45 дена пред претседателските избори на 5 ноември, во петок патува во Џорџија за да одржи говор за правата на абортусот, а гласачите во неколку американски сојузни држави почнаа предвреме да излегуваат на гласање.
Републиканскиот кандидат Доналд Трамп патува во Мајами на кампањата за собирање средства што е затворена за медиумите. И двајцата кандидати ќе потрошат речиси една милијарда американски долари за изборите.
Изборите се неизвесни како никогаш досега. Кандидатите се изедначени во неколку од седумте клучни држави кои ќе одлучуваат за изборите.
Меѓу нив е и Џорџија, каде Џо Бајден победи во 2000 година со помалку од 12.000 гласови пред Трамп.
Трамп беше обвинет во Џорџија дека се залага за поништување на изборните резултати во таа држава.
Во Атланта, Харис ќе го спомене случајот на Амбер Турман, чија смрт беше директен резултат на многу строгите закони против абортусот во државата, според истрагата објавена оваа недела од ProPublica.
Се поблиску се изборите на 5 ноември. Во петокот беа отворени избирачките места во три сојузни држави кои им овозможуваат на гласачите лично да гласаат предвреме. Ова е наменето за гласачите кои од лични причини нема да можат да гласаат на денот на изборите и за намалување на притисокот врз избирачките места на 5 ноември.
Трите држави за кои станува збор се Вирџинија, Минесота и Јужна Дакота. Други ќе следат во деновите и неделите што доаѓаат.