Американската војска пресретнала 80 беспилотни летала и шест проектили лансирани од Иран и Јемен кон Израел

Американските сили поддржани од разурнувачите на американската европска команда уништиле повеќе од 80 беспилотни летала и најмалку шест балистички проектили насочени кон Израел од Иран и Јемен ноќта меѓу саботата и неделата, соопшти американската Централна команда (ЦЕНТКОМ).

Во објава на мрежата X, ЦЕНТКОМ ја повтори својата поддршка за Израел во одбраната од „опасни дејствија на Иран“.

„Ќе продолжиме да работиме со сите наши регионални партнери за зголемување на регионалната безбедност“, соопшти американската војска.

Осумдесет дронови сочинуваат речиси половина од 170-те беспилотни летала за кои израелските одбранбени сили тврдат дека Иран насочил кон Израел.