22
Тренерот на Реал Мадрид (Мадрид), Карло Анчелоти откри детали за состојбата на централниот дефанзивец Давид Алаба.
Како што е познато, Австриецот беше надвор од терените повеќе од една година откако ги скина лигаментите на натпреварот против Виљареал на 17 декември 2023 година, а неодамна продолжи со тренинзите.
„Алаба почна да тренира со нас. Кога ќе се врати, ќе имаме можност да ја ротираме одбраната таму каде што најмногу страдаме. Тој ќе може да игра по 20 јануари“, откри Анчелоти.
Реал Мадрид игра на домашен терен против Салцбург на 22 јануари и гостува кај Ваљадолид три дена подоцна.