И повторно, доаѓаат неверојатни вести од Шпанија !!
Имено, по шокантната вест дека Реал Мадрид сака да се приклучи на Премиер лигата и дека наместо во шпанското натпреварување да игра воанглиското, следуваа остри одговори дека тоа е лага. Но …
Сега, одекнаа нови вести за „кралскиот клуб“ затоа што, наводно, Карло Анчелоти сака да го врати во клубот Кристијано Роналдо!
Претходно беше напишано и кажано дека еден од најдобрите фудбалери никогаш не бил среќен во Јувентус, пред се затоа што не освоил титули, а шпанските медиуми сега ја споменуваат бомбастичната можност Португалецот да се врати на „Сантијаго Бернабеу“!
Оваа вест ја донесоа „Ел Чирингито“ и нивниот новинар Еду Агире, неколку минути пред полноќ, а многумина се прашуваат колку е навистина изводливо вакво нешто. Тие дури споменаа дека Карло Анчелоти веќе започнал разговори со Реал за враќање на Роналдо во клубот, бидејќи ново-стариот тренер на Мадрид го гледа како некој кој сепак може многу да му помогне.
Агире наводно е блиску до Кристијано Роналдо, но сепак се чини дека таков голем трансфер на крајот од преодниот рок би бил премногу.
Шпанија веќе ја потресе „земјотрес“ во форма на заминување на Лионел Меси од Барселона, и не е баш реално да се очекува уште еден таков.
Времето ќе покаже дали Флорентино Перез ќе го прекрши зборот, бидејќи уште порано изјави дека Роналдо нема да се врати во Реал.