Тренерот на лидерот во Ла Лига, Реал Мадрид, Карло Анчелоти зборува пред утрешното гостување на Лос Бланкос кај Ваљадолид во лигата.
„Целта е јасна, станавме лидери и мора да ја задржиме оваа позиција. Ова е важен момент во Ла Лига и мора да го искористиме за да продолжиме да победуваме. Ќе го сфатиме натпреварот сериозно и ќе излеземе со најсилниот можен тим. Точно е дека распоредот е тежок, но малку по малку влегуваме во добар ритам“, истакна тој.
„Понуда од Саудиска Арабија за Винисиус? Не знам за таква понуда. Имам директна информација од играчот дека е многу среќен овде и сака да креира историја во Мадрид. Среќни сме овде и сакаме да испишеме историја. За него е добро што има денови за опоравување за да може да пристигне посвеж во најважниот момент од сезоната. Мислам дека луѓето забораваат дека со Винисиус ја освоивме Лигата на шампионите во Париз и Лондон. Тој е неприкосновен играч“, изјави Анчелоти.