“Гледаме не само во Бугарија, туку и во Република Македонија, и во Србија гласови кои се обидуваат на секаков начин да го саботираaт потпишувањето на договорот за добрососедство, за кој од 2008 година сме почнале дебата со Скопје. Овој договор не е лек.
Договорот што ќе се потпишеме не значи дека нашите односи ќе станат прекрасни, но треба да почнеме од некаде, да го заборавиме она што ни е поделба во минатото – овие идеологии од Титовиот комунизам, од Коминтерната пред тоа “.
Ова, го изјави претставникот на ГЕРБ во Европарламентот Андреј Ковачев во емисијата “Навредливи” на Канал 3. “Неколку генерации граѓани во Македонија се израснале со оваа пропаганда. Првично тоа мора да било морално насилно малтретирање.
Имало закон за македонската чест. Ако кажеш дека си Бугарин, одиш или во концентрационен логор или во затвор “, објасни тој. “Зошто е важно да почнеме едни братски односи?
Ова ќе го стабилизира целиот регион и ние навистина можеме да помогнеме на Република Македонија да влезе многу брзо и во НАТО, и да започне преговори за влез во ЕУ. Некој, небаре сака таа да остане назад и да биде пример Србија да биде пред Македонија “, рече уште Ковачев.
“Русија сака да си го зголеми влијанието на Балканот, да го задржи и да успее некако да го промени јавното мислење во овие земји, наместо кон евроатланската интеграција, некој друг вид на интеграција – т.н. химера за евроазиски заедница”, смета тој.