Huawei ги претстави импресивните модели Mate 20 и Mate 20 Pro на специјален настан кој се одржа
пред неколку недели. Паметните телефони работат со моќни Kirin 980 процесори со две посветени
единици за невронска обработка и до 8GB RAM меморија. Љубителите на фотографиите исто така
ќе имаат пристап до едни од најдобрите камери во мобилната индустрија. Huawei Mate 20 Pro, исто
така, нуди атрактивна можност за снимање и создавање на 3D објекти.
Ова е можно благодарение на специјална апликација наречена 3D Live Maker. Компанијата јавно
демонстрира како софтверот работи на премиерата на двата уреди. Huawei потврди дека во
подоцнежна фаза ќе им овозможи на сопствениците на Mate 20 Pro да го користат 3D Live Maker.
Кинескиот производител се придржуваше кон своето ветување и веќе ја дистрибуира мобилната
апликација која веќе е достапна во Huawei App Gallery, објавија xda-developers.
Всушност, 3D Live Maker ви овозможува скенирање на вистински објекти и создавање 3D аватари,
ако направите серија фотографии од различни агли. Алгоритмите на софтверот потоа ќе генерираат
3D модел на објектот. Инженерите на Huawei ќе бидат во контакт со корисниците за понатамошно
подобрување на можностите на мобилната апликација со текот на времето.