Обвиненијата се лага. Ова беше речено од Ар Кели во неговото прво интервју откако беше обвинет за сексуален напад.
Пејачот е категоричен дека гласините дека имал секс со малолетни девојки, ги чувал во својот дом и ги малтретирал, се далеку од вистината.
“Без разлика дали станува збор за стари гласини, нови гласини, идни гласини, тоа не е точно”, изјави тој за КБС.
“Ова може да се случи со секој уметник, сите познати. Секое познато лице може да се набеди за многу различни работи “, рече Кели.
На прашањето дали ги чувал жените во неговата куќа против нивната волја, пејачот одговорил дека изјавата е глупава.
Медиумите пуштија само извадок од интервјуто на ѕвездата и добитникот на Греми со водителот Гејл Кинг.
Без разлика дали за да е поубедлив или под влијание на емоциите, раперот му шепнува на Кинг и укажува дека ќе се бори за својот “ебен живот”.
Потсетуваме дека изведувачот беше уапсен на 22 февруари, откако добил 10 обвиненија за сексуален напад. Пред неколку дена, тој беше ослободен од притвор со кауција.
Според информациите, жртвите на Кели биле меѓу 13 и 17 години. Судот дури имаше и видеокасети.