Арсенал веднаш ја отфрли можноста за размена на Вилијам Салиба за крилниот напаѓач на Реал Мадрид, Родриго. Според „Спортс“, изненадувачката понуда дошла од Кралскиот клуб.
„Топџиите“ бараат уште едно крило и се поврзуваат со Бразилецот веќе неколку недели, но „Емирати“ категорично одбија да дозволат ова да се случи на сметка на столбот на одбраната на тимот. Самиот Салиба се чувствува среќен во Лондон и на никаков начин не притиска за трансфер.
Според „Спортс“, понудата била за директна размена, бидејќи цената на двајцата играчи е приближно иста.
Реал се поврзува и со централниот дефанзивец на Ливерпул, Ибрахима Конате, чиј договор истекува следното лето, а според шпанските медиуми тој веќе има принципиелен договор со Реал. „Црвените“ се обидуваат да го убедат да потпише повторно, но ако тоа не се случи во следните две недели, а Ливерпул успее да го потпише капитенот на Кристал Палас, Марк Гаје, можно е Конате да биде продаден ова лето.