Арсенал плаќа голема сума за напаѓач од Премиер лигата

Англискиот фудбалски вицешампион Арсенал е подготвен да плати 65 милиони фунти за Доминик Соланке од Бурнемаут, објави Sky Sports.

26-годишниот напаѓач имаше силна сезона, постигнувајќи 21 гол за тимот од јужна Англија. Неговата пазарна цена е 40 милиони фунти, но раководството на „црешите“ бара најмалку 65 милиони за да се разделат со него.

Во својата кариера ги бранеше боите на Челси, Витесе, Ливерпул.

Има 1 натпревар за репрезентацијата на Англија. Ги помина сите младински репрезентации на „трите лава“.