Три години по ред, играчите на Арсенал ја завршуваат трката за шампионската титула во Премиер лигата на второто место, но во овој клуб не се откажуваат од своите шампионски соништа.
Тренерот Микел Артета го промени тимот ова лето во споредба со минатата сезона, верува дека тимот е посилен отколку што беше во претходниот период и верува дека по повеќе од две децении титулата се враќа во Северен Лондон.
„Посилни сме од минатата година. Го подигнавме нивото на квалитет во тимот, сме поискусни и верувам дека имаме сила да триумфираме во Премиер лигата. Конкуренцијата ќе биде силна, има многу добри тимови и според мене барем шест или седум, можеби дури девет од нив можат да се надеваат на трофејот. На крајот, само еден клуб ќе биде среќен, а мислам дека тоа би можел да биде Арсенал“, рече Артета.
„Топџиите“ ова лето потпишаа со Мартин Зубименди, Нони Мадуеке, Кристијан Хоргард и Кепа Аризабалага, за кои издвоија 120 милиони евра, а клубот практично веќе се согласи на доаѓањето на Виктор Ѓекереш од Спортинг, додека трансферот на Кристијан Москера од Валенсија е исто така веројатен.
„Бевме активни на пазарот и мислам дека изградивме многу избалансиран тим. Бевме добри во последните години, но сега сакаме да бидеме уште подобри. Мислам дека оваа генерација на Арсенал има квалитет да ја освои титулата и ние само треба да се концентрираме на работа и фокус во текот на целата сезона“, рече шпанскиот стручњак.
Арсенал ќе го игра својот прв натпревар во новата сезона во Премиер лигата на 17 август против Манчестер Јунајтед, кој исто така го засили својот тим во споредба со минатата сезона.