Една таблета аспирин месечно е препорачаната доза како превентивна мерка против рак, откриле  научници од Кралскиот универзитет во Белфаст,  коишто извршиле истражување.

Пиењето аспирин еднаш на четири недели е сосема доволно за се заштитите од тумори. До овој заклучок стигнале научниците по истражувањето на група доброволци на возраст меѓу 55 и 74 години. Резултатите покажуваат дека една таблета аспирин месечно го намалува ризикот од рак за една четвртина. Најефикасно е дејствието при заштита од рак на грлото. Според претходните истражувања редовниот внес на лекот, исто така, спречува инфаркт и мозочен удар.