210
Манчестер Јунајтед упатил пакет понуда до Баерн (Минхен) за привлекување на Матаис де Лихт и Нусаир Мазрауи, информира Дејвид Орнштајн од „Ди Атлетик“.
Изворот не откри колкава е точната сума на понудата, но додаде дека истата била одбиена од раководството на Баварците кои инсистирале на поголема сума. Сепак, преговорите меѓу двата клуба продолжуваат.
Личните услови на играчите се договорени, а тие треба да потпишат договори од пет и плус една година доколку Манчестер Јунајтед може да ги заврши нивните трансфери.
Досега „црвените ѓаволи“ се засилија со Џошуа Зиркзе и Лени Јоро. Сепак, вториот се повреди на натпревар од претсезонски турнир и ќе закрепнува околу три месеци.