Поранешниот американски претседател Барак Обама и неговата сопруга Мишел по шест месеци конечно беа видени заедно во јавност, што веднаш ги смири шпекулациите за наводен развод. Последен пат парот беше фотографиран во декември 2024 година, а нивното отсуство од јавноста доведе до сè погласни гласини за проблеми во бракот. Многумина се прашуваа што се случува, особено откако Мишел беше отсутна на неколку важни настани – меѓу кои и погребот на поранешниот претседател Џими Картер и инаугурацијата на претседателот Доналд Трамп.
Сепак, најновите фотографии направени додека го напуштаа луксузниот хотел „Лоуел“ во Њујорк, каде што вечераа со нивната ќерка по посета на претстава на Бродвеј, покажуваат насмеан и расположен брачен пар. Ова беше доволно за нивните обожаватели да здивнат, верувајќи дека бракот на Обама е стабилен, и покрај гласините.
Шпекулациите за разделба се вжештија и поради гласините за наводна афера на Барак со холивудската ѕвезда Џенифер Анистон, како и за повторна врска со неговата поранешна девојка, Шила Мијоши Џегер. Сепак, ништо од ова не е официјално потврдено, ниту од Барак, ниту од Мишел.
Иако јавноста беше загрижена, најновото појавување на семејството Обама испрати силна порака дека тие сè уште се заедно и обединети – барем пред објективите на камерите.