Менаџерот на Арсенал, Микел Артета веќе добил повик од Барселона да ги истражи неговите ставови за наследување на Чави Ернандез како тренер на „блаугранас“.
Информациите се на Relevo, каде што се тврди дека Шпанецот е еден од најпреферираните кандидати на Жоан Лапорта и Деко, кои и покрај тоа што знаат колку тешко би го привлекле, не се откажуваат од идејата.
Спортскиот директор сè уште води многу прелиминарни разговори со сите кандидати, но Артета целосно го исполнува бараниот профил. Менаџерот на Арсенал пред неколку недели ги опиша првите гласини кои го поврзуваат со Барса како „лажни вести“, но очигледно ова нема да стави крај на шпекулациите.
Артета има договор со Арсенал до летото 2025 година, но самиот тврди дека има уште многу работа со лондончани.
Ханзи Флик, Томас Тухел, Луис Енрике, Симоне Инзаги и Роберто Де Зерби се исто така меѓу имињата поврзани за оваа функција.