Американскиот претседател Доналд Трамп не ги предупредил лидерите на автомобилската индустрија да не ги зголемуваат цените бидејќи стапуваат на сила тарифите за автомобилите од странско производство, откако за NBC News кажа дека „не му е гајле“ и ако тоа го прават.
Белата куќа се подготвува да воведе нови царини за низа производи за широка потрошувачка на 2 април, потег што наиде на критики од меѓународните лидери и загриженост за потенцијалните зголемувања на цените за потрошувачите, пренесе Хина, пренесе Ал Џезира.
Во интервју за NBC News, Трамп рече дека неговите постојани тарифи за автомобили од странско производство ќе бидат поттик за компаниите со седиште во САД.
Тој е уверен дека овој потег ќе доведе до зголемување на продажбата на автомобили произведени во САД.
„Се надевам дека ќе ги зголемат цените, бидејќи ако го направат тоа, луѓето ќе купуваат автомобили од американско производство“, рече Трамп.
Трамп тврдеше дека ќе ги разгледа преговорите за тарифи само „ако луѓето се подготвени да дадат нешто од голема вредност“.