Амбасадорот на Соединетите Американски Држави во Македонија, Џес Бејли, ги повика сите граѓани со право на глас, особено младите, да излезат и да гласаат на претседателските избори во САД и на предвремените парламентарни избори во земјава, закажани за 11 декември.
Бејли ваквата порака ја испрати за време на вчерашната посета на Универзитетот „Св. Климент Охридски“ во Битола, каде разговараше со студентите за изборите во САД.
„Во разговор со студентите од Универзитетот „Св. Климент Охридски“ во Битола вчера, истакнав дека е потребно секој да учествува и да гласа, особено младите луѓе, на изборите во САД и во Македонија“, твитна денеска Бејли.
Talking #USElections yesterday with students, faculty at Sveti Kliment Ohridski University in #Bitola. 1/2 pic.twitter.com/JC5XCuJHOc
— Amb. Jess Baily (@AmbBaily) October 18, 2016