Потпретседателот на Манчестер Јунајтед, Ед Вудвард изјави дека сопствениците на семејството Глејзер немаат намера да го продаваат клубот.
Вчера се појавија информации дека саудискиот принц Мохамед бин Салман е подготвен да понуди околу 3 милијарди фунти за да го купи клубот. „Врз основа на она што го гледам, тие имаат долгорочни планови. Што се однесува до понудите или цената на клубот, можам да кажам дека немало разговори за вакво нешто. Сите наши разговори се долгорочни. Тие се структурирани на долг рок“, рече еден од шефовите во Јунајтед.
Не е првпат да се појават вакви информации во медиумите. Шпекулациите се разгорија околу информациите дека Глејзер сакаат да се повлечат заради акумулираните долгови. Според Вудвард, сепак, тие сакаат да го развијат клубот и имаат долгорочни планови.