Полицијата информира дека синоќа дошло до тешка сообраќајна несреќа на ГП „Меџитлија“, при што загинало едно лице.
-На 16.09.2023 околу 21.40 часот на патниот правец А3 Битола-граничен премин „Меџитлија“ во близина на крстосница со пат за с.Породин кон Меџитлија, патничко моторно возило „рено клио“ со битолски регистарски ознаки, управувано од И.С.(42) од с.Кравари, битолско, излетало надвор од коловозот, велат од МВР.
Од здобиените повреди на лице место починал возачот И.С. Смртта била констатирана од лекар од итна медицинска помош Битола. Увид на местото на настанот извршила екипа од СВР Битола, а по наредба на Јавен обвинител телото на починатиот е предадено за обдукција.
Поради тоа, патниот правец Битола – Граничен премин Меџитлија беше во прекин за сите возила