60
На социјалната мрежа Твитер се појави фотографија на која што се гледа човек што прави селфи, меѓу насобраните новинари и фоторепортери, а во позадина минуваат полициски и возила за итна помош.
Додека траеше целата драма во Лондон и луѓето се бореа за своите животи, тој одлучил да го стави својот паметен телефон на селфи стик и да се фотографира, како да се наоѓа пред некоја туристичка атракција, а не на место каде што се случила голема трагедија.Во текот на вчерашниот ден британската престолнина Лондон беше потресена од терористички напад во кој што четири лица го загубија животот, а над 20 беа повредени.
Напаѓачот најпрвин со автомобилот прегазил околу 10 лица и им нанел тешки телесни повреди, а потоа се забил во оградата во близина на Парламентот и нападнал полицајци со нож.
Спасувачките и безбедносните служби веднаш се упатиле на местото на терористичкиот напад, а во целиот метеж се нашол и еден човек чија што реакција ги згрози луѓето од целиот свет.