Богоевски: Кога ВМРО-ДПМНЕ бараше кризна состојба немаше потреба, тогаш капацитетите на јавното здравство беа доволни

„Кога ВМРО-ДПМНЕ бараше кризна состојба немаше потреба, тогаш капацитетите на јавното здравство беа доволни“, изјави поранешниот пратеник и граѓански активист, Павле Богоевски за „Клик плус“ на ТВ 21.

Според него, ова сега што го вика најголемата опозициска партија е ужасно неконзерватино решение од партија која што би требало да е конзервативна.

„Тогаш кривата беше израмнета. Причината зошто сега се воведува е затоа што здравствениот јавен систем нема капацитет да се справи со новите бројки. Тогаш сме можеле, сега не можеме. Приватните болници сега имаат голем проблем и судир со обичните граѓани кои не можат да најдат место во јавното здравство“, истакна Богоевски.