421
Боледувањето на оние кои се болни од Ковид-19 важи и за јавната администрација и за приватниот сектор, тоа 100 процентно ќе биде покриено.Односно законските одредби – 15 дена работодавачот, после тоа, законската обврска ја презема Фондот, изјави вицепремиерот Фатмир Битиќи.
Битиќи рече дека има ротации во работењето на администрацијата, но оти тоа не значи дека тие вработени не се на работа, туку дека работат и од дома онлајн.
– Мислам дека треба полека да го менуваме односот кон адмиистрацијата. Не треба да се однесуваме дискриминирачки кон нив. Тоа се наши сограѓани и тие не се имуни на Ковид-19 за да кажеме дека одредено право не важи за нив. Точно е дека има ротација, но и тогаш, тие работат од дома, нагласи Битиќи.