Booking ги предупреди клиентите за хакерски напад што ги открил нивните податоци

Платформата за онлајн резервации на сместување Booking.com ги предупреди своите корисници дека била цел на хакерски напад во кој „неовластени страни“ добиле пристап до неодреден број имиња, контакт информации и детали за резервација на клиентите.

„Откако ја откривме активноста, презедовме мерки за да го локализираме проблемот. Го ажуриравме ПИН-бројот за овие резервации и ги известивме нашите гости“, се вели во соопштението, објавено од Гардијан.

Компанијата со седиште во Амстердам не соопшти колку луѓе биле погодени од хакерскиот напад, а нејзиниот портпарол рече дека хакерите немале пристап до „финансиски информации“.