Борел со Сикорски: Се договоривме за зајакнување на воената поддршка за Украина

Шефот на европската дипломатија Жозеп Борел објави дека се согласил со полскиот министер за надворешни работи Радослав Сикорски дека е неопходно да се зголеми воената поддршка за Украина.

„Се договоривме во врска со потребата да ја зголемиме нашата воена поддршка за Украина, вклучително и со ракети со долг дострел и противвоздушни ракети“, наведе Борел на социјалната мрежа Икс.

Тој додаде дека имал добар разговор со Сикорски и дека двајцата споделуваат зголемена загриженост поради зголемените воздушни напади на Русија против, како што рече, цивилната инфраструктура на Украина.