Синоќа првпат спиев мирно, бидејќи вчера сфатив дека братскиот народ на Северна Македонија нема да ја нападне Бугарија со донираните тенкови и нема да има територијални претензии. Нема да ни го земат Банско. Сите сакаме да бидат во ЕУ, први ги признавме, први ги поддржавме за НАТО, но да се каже дека историјата не е важна е исто како да умреш како овца без историја, изјави лидерот на ГЕРБ и поранешен бугарски премиер Бојко Борисов по повод посетата на Петков на Скопје во вторникот.
-Поминавме низ многу тешки, многу несреќни настани за нашата историја, но се издигнавме и победивме, за кои сите сме горди што сме Бугари. Ваквата тема не навредува, рече Борисов и напомена дека за прв пат бугарски државник оди во Македонија и не положува цвеќе на гробот на Гоце Делчев.
Борисов побара да дознае дали на средбата во четири очи меѓу Петков и претседателот Стево Пендаровски се разговарало за македонското малцинство во Бугарија.
-Нашиот Устав јасно кажува дека сите бугарски граѓани се еднакви. Нивниот премиер, макар и на еден ден успеа да го наседне нашиот за фашистите. Ова не е за потценување, многу лукаво го наседна. Влегувајќи во стапицата на фашизмот, се откажуваме од подвигот на бугарскиот народ да му се спротивстави на Хитлер за спасените над 50 илјади бугарски Евреи.
Сè друго лесно се решава, токму ова прашање, токму овие проблеми што сега ги бришат, всушност не запреа две години, оценува Борисов.