Американскиот актер Бред Пит достави до судот барање за обезбедување на еднакви права на 6-те деца на него и неговата сопруга Анџелина Џоли, со која е во процес на развод, соопшти весникот People. 
Во моментов децата живеат заедно со својата мајка.
“Анџелина е концентрирана само на нив. Таа поништи сè друго – работата, сè. Таа секој ден го поминува дома, ги поддржува и им помага со домашните за училиште. При тоа таа нема голем број помошнички “, откри за весникот извор близок до семејството.
Локално потсетува дека на 19 септември Џоли поднесе барање за развод со Пит. Овој чекор таа го објасни со непомирливи несогласувања со Пит и незадоволство од тоа како тој се справува со татковските обврски.
Според податоците на медиумите недела порано се случила расправија во приватниот авион, при што Бред Пит почнал да ги навредува децата и го удрил Медокс. Се претпоставува дека Пит бил пијан.
Последователно актерот доброволно даде примероци крв за тестирање на присуство на алкохол и дрога, а резултатите беа негативни.
52-годишниот Пит и 41-годишната Џоли беа во врска од 2005 година, а поминаа под венчило на 23 август 2014 година. Тие имаат три свои, биолошки деца – ќерката Шајло и близнаците Нокс и Вивиен. Одгледуваат исто и три посвоени деца – Камбоџанецот Медокс, Виетнамец Пакс и Етиопката Захара.