Министерот за здравство, Венко Филипче, изјави дека половина од новоинфицираните со Ковид-19 во последните денови имале мутиран британски вид на тој вирус. Коронавирус усмрти 3.010 лица во земјава, дијагностицирани се вкупно 97.803, а активни се 6.324 лица.
„Прерано е да се релаксираме, бидејќи тука е откриена британската варијација, мутација на овој вирус. Утрово пристигнаа нови информации дека се поголем процент од вкупниот број на анализирани геноми во извршените тестови се должи на оваа мутација“, рече Филипче вчера во интервју за Телевизија Телма.
Тој прецизираше дека бидејќи британскиот вид бил откриен во земјава во јануари, во еден период бројот на новозаразени со таа мутација бил околу дваесет проценти, но дека според последните откритија, таа мутација изнесува 50 проценти.
„Досега не гледаме никаква драстична промена или оптоварување на системот на здравствените болници, но ние гледаме што се случува во некои европски земји и затоа внимаваме да немаме значително зголемување на пациентите, бидејќи е докажано дека овој вид полесно се пренесува“, рече Филипче.
Во Македонија се регистрирани 347 нови случаи на коронавирус, а уште седум лица починале од инфекција, соопшти вчера Министерството за здравство.
Новиот број на заразени лица е потврден со 2.383 тестови во претходните 24 часа, а 1,56 проценти од испитаните биле позитивни.