Претседателката на српскиот парламент и функционерка на Српската напредна партија (СНС), Ана Брнабиќ, денес изјави дека СНС има добра комуникација со претставниците на Европската народна партија (ЕПП) и поединечните партии во неа.
Таа додаде дека оди во Барселона на состанокот на меѓународните секретари на ЕПП, кој ќе се одржи на 2 и 3 октомври, и дека делегацијата на СНС ќе разговара со раководството на ЕПП во Брисел на 22 октомври.
„Самиот факт дека ќе присуствувам на состанокот утре, и дека министерот Немања Старовиќ, како член на СНС, учествуваше во делегацијата на ЕПП во Либан пред само неколку дена, зборува многу за тоа колку е лажна веста дека СНС е на работ да биде исклучена од ЕПП“, изјави Ана Брнабиќ на прес-конференција во Домот на Народното собрание.
Таа оцени дека распишувањето предвремени парламентарни избори, како што побараа студентите во блокадата, нема да ја реши социо-политичката криза, туку дека тие бараат избори само за да излезат на улица и да продолжат да протестираат.
„Само во Србија имате политички партии кои чекаат да се случи трагедија, а потоа врз основа на тоа, да бараат избори“, рече Брнабиќ.