Државниот завод за статистика ги објави најновите податоци за просечната месечна плата во Македонија за јули 2025 година. Според објавените бројки, просечната исплатена нето-плата изнесува 45.276 денари, додека бруто-платата достигна 68.102 денари. Во споредба со истиот месец лани, забележан е раст на платите, што се должи на зголемувања во повеќе клучни сектори.
Во јули 2025 година просечната месечна исплатена нето-плата изнесува 45.276 денари, додека просечната месечна исплатена бруто-плата изнесува 68.102 денари, објави Државниот завод за статистика.
Во јули 2025 година, во однос на јули 2024 година, просечната месечна исплатена нето-плата по вработен е повисока за 10.5 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Административни и помошни услужни дејности за 16.5 %, Образование за 15.0 % и Дејности на здравствена и социјална заштита за 14.8 %.
Намалување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување за 4.0 %, Рударство и вадење на камен за 3.3 % и Информации и комуникации за 3.0 %.
Просечната месечна исплатена бруто-плата по вработен во јули 2025 година изнесува 68 102 денари.
Во јули 2025 година, во однос на јули 2024 година, просечната месечна исплатена бруто-плата по вработен е повисока за 10.6 %.
Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Административни и помошни услужни дејности за 16.7 %, Образование, Дејности на здравствена и социјална заштита за 15.1 % и Земјоделство, шумарство и рибарство за 12.3 %.
Намалување на просечната месечна исплатена бруто-плата по вработен, во однос на претходниот месец, е забележано во секторите: Финансиски дејности и дејности на осигурување за 3.4 %, Рударство и вадење на камен за 3.3 % и Информации и комуникации за 2.4 %.