256
Пратеничката група на опозициската бугарска партија „Преродба“ ќе поднесе предлог за укинување на предлог-одлуката за почеток на преговорите со Европската унија на Северна Македонија, усвоена од Бугарското собрание, поради вчерашната изјава на францускиот претседател Емануел Макрон за нова компромисна одлука за преговарачката рамка.
„Со оглед на ова, ќе инсистираме и бугарската страна, во лицето на премиерот и министерот за надворешни работи, да не го потпише протоколот, бидејќи се уште имаме можност во 12 часот да не го завршиме ова национално предавство, додека не се разјаснат апсолутно сите околности околу документот што го ревидирал само Макрон“, изјавил лидерот на „Преродба“, Костадин Костадинов, пренесуваат бугарските медиуми.