Предоцна Бугарија започна да ја објаснува сопствената позиција кон Северна Македонија, како што требаше да им биде јасно на нашите европски партнери пред извесно време. Нашата земја направи грешки во градењето на оваа политика. Бугарските услови и барања мораа да бидат наведени во 90-тите години, вели бугарскиот дипломат Боби Бобев, поранешен амбасадор на Бугарија во Косово и Албанија.
Според него, постои разлика помеѓу потпишувањето на Договорот од Преспа помеѓу Грција и Северна Македонија во 2018 година и Договорот за пријателство, добрососедство и соработка помеѓу Софија и Скопје.
-Грција прво го постигна она што го сакаше и дури потоа се согласи да го потпише договорот. Ние прво се потпишавме, а потоа ги поставивме условите. Македонците не заслужија да добијат таков договор, со оглед на антибугарското расположение во земјата, смета Бобев.
Тој не смета дека признавањето на Македонија по распадот на Југославија во 1991 од страна на Бугарија била грешка.
-Тогаш Бугарија покажа разбирање за желбите на македонското општество да ја направи својата земја независна. Меѓутоа, по нејзиното признавање, ние моравме да поставиме сопствени услови, вели Бобев.
Диломатот е на мислење дека нема да има специфичности во декларацијата, се усвои за време на состанокот ЕУ-Западен Балкан во Брдо.
-Словенија предложи 2030 година да биде краен рок за пристапување на 6 -те земји од Западен Балкан во ЕУ, а Австрија веќе ја поддржа идејата. За време на состанокот, европските лидери ја нагласија европската перспектива за земјите во регион, вели Бобев и додаде дека идното членство на земјите од Западен Балкан ќе доведе до позитивна трансформација.