Селекторот на бугарската фудбалска репрезентација Јасен Петров го оттргна вниманието од какви било други теми и прашања пред натпреварот против Македонија во четврток во Разград.
Петров не смета дека дуелот е важен и од други причини, освен спортските.
„Фудбалот е најголемата игра. Спорт кој прави многу луѓе среќни. На фудбалот гледаме само како на игра“, изјавил бугарскиот селектор на денешната прес-конференција.
„Треба да има љубов, а не омраза. Јас не сум политичар и нема да заземам став на темата меѓу Бугарија и Северна Македонија како политичка тема. Тие мислат дека се фаворит на натпреварот, што е во ред, но и ние имаме свои аргументи. Натпреварите не ги делиме на важни и неважни. Следниот е секогаш најважен. Респект за противникот, но и ние сакаме да победиме“, додал Петров пред новинарите.
Фото: Bulphoto