Цените на нафтата денес пораснаа откако паднаа во средата. Пазарот се надева на пробив во односите меѓу најголемите светски потрошувачи на нафта пред почетокот на трговските разговори меѓу САД и Кина, објави Ројтерс.
Барел сурова нафта од 159 литри „West Texas Light“ за испорака во јуни се тргуваше за 58,26 долари околу 8:30 часот наутро по средноевропско време, што е за 19 центи повеќе во однос на затворањето во средата. Северноморската сурова нафта „Брент“ за испорака во јули беше за 13 центи повисока на 61,25 долари, според податоците на американскиот медиум „Блумберг“.
Пазарот се надева на ублажување на трговските тензии откако двете најголеми економии во светот објавија дека ќе започнат трговски разговори во Швајцарија овој викенд.
„Оптимизмот во врска со трговските разговори меѓу САД и Кина овој викенд е главен фактор за закрепнување на пазарот“, изјави за Ројтерс независната аналитичарка Тина Тенг.