Воспалението е природен и моќен начин на кој нашето тело се бори против болести, лечење на повреди и спречување инфекции. Но, кога воспалението станува хронично, преминува од корисно во проблематично.
„Многу хронични заболувања се поврзани со воспаление, како што се дијабетес, кардиоваскуларни заболувања, Алцхајмерова болест, артритис, но и рак“, објаснува др. Але Зозос.
Постојаната борба со низок степен на воспаление е исто така тешка за телото и со текот на времето може да доведе до слабеење на имунолошкиот систем, пишува Real Simple.
Поддршката на вашето тело во неговиот воспалителен одговор е повеќекратниот пристап кој вклучува соодветен сон, здрави навики во исхраната и неколку корисни промени во животниот стил.
Она што го јадеме и пиеме, од зелен чај до лосос или блитва, може да биде моќна алатка во борбата против воспалението, особено она што е докажано дека поседува клучни хранливи материи за борба против хроничното воспаление.
Лесен начин за ублажување на воспалението е да пиете чаша чај. Одамна е познато дека пиењето чај има голем број здравствени придобивки, а истражувањата покажуваат дека полифенолите во чајот, како и некои од најчесто користените билки и зачини кои се наоѓаат во разни мешавини на чај, имаат силни антиинфламаторни својства.
„Иако нивото на антиинфламаторни својства ќе варира од чај до чај, се смета дека повеќето чаеви имаат над осум пати поголема антиоксидантна моќ од овошјето и зеленчукот“, вели д-р Брин Мекдауел, додавајќи:
„Истражувањата покажуваат дека луѓето кои рутински пијат зелен, а особено црн чај, имаат намалено ниво на Ц-реактивен протеин, што е предизвикувач за воспаление во телото.
Додека пиењето чај може да помогне да се поддржи антиинфламаторниот одговор на телото, д-р Мекдауел не потсетува дека е секогаш важно да се гледа целосната слика.
„За навистина да се намали хроничното воспаление, важно е да се фокусирате на сеопфатна диета полна со овошје, зеленчук, житарки, риба и јаткасти плодови, наместо да се фокусирате на една состојка на „суперхрана“, вели докторот.
Постојат неколку чаеви што можат да го намалат воспалението во телото:
Зелен чај
„Зелениот чај е предмет на многу истражувачки студии и содржи супстанции за кои се смета дека го потиснуваат воспалението и ги блокираат про-воспалителните патишта во телото. Се смета дека го штити срцето од оштетување и ги спречува кардиоваскуларните болести“, вели д -р Мекдауел.
Ако ви се допаѓа зелениот чај, тогаш пробајте зелен чај мача, посилна верзија на зелен чај кој е особено богат со антиоксиданси и корисни супстанции наречени EGCG, за кои се смета дека имаат позитивни ефекти врз метаболизмот, контролата на гликозата и здравјето на срцето.
Тој исто така забележува дека зелениот чај има способност да комуницира со некои лекови, затоа не заборавајте да разговарате со вашиот лекар пред да почнете да го консумирате.
Чај од куркума
Куркумата е добро познат зачин со карактеристична светло жолта боја. Д -р Мекдауел објаснува дека куркумата содржи куркумин, кој помага во борбата против супстанциите во телото кои можат да го зголемат воспалението.
„Бидејќи куркумата има анти-воспалителни својства, се покажа дека помага во борбата против слободните радикали кои можат да предизвикаат болка и воспаление“, додава Џесика Едерер, велнес едукатор.
„Во едно клиничко испитување, 139 лица со остеоартритис забележале подобрување на болката во артритисот од 50 проценти кога земале додатоци на куркумин“, вели таа, додавајќи дека има помалку несакани ефекти во споредба со алтернативните лекови.
Чај од ѓумбир
„Коренот од ѓумбир е неверојатно здрав, па затоа го има во се – од кинески и индиски јадења до слатки, производи за нега, но може да се користи и како чај“, објаснува Едерер.
Според истражувањата, ѓумбирот, благодарение на активната состојка џинџерол, има антиинфламаторни својства кои можат да му помогнат на телото да реагира на хронично воспаление што доведува до болка, вклучувајќи се – од болки во колената до болки во мускулите после вежбање, па дури и менструални грчеви.
Можете да купите чај од ѓумбир или да го додадете во која било мешавина од чај.
Чај од шипинка
Чајот од шипинка е богат со антиоксиданти, вклучително и полифеноли и галактолипиди, за кои е откриено дека имаат антиинфламаторно дејство особено кај болести како што е артритисот.
Се покажа дека чајот направен од ова растение ја намалува болката поврзана со артритис и други воспалителни заболувања.
Чај од камилица
Се покажа дека овој чај може да спречи воспаление во телото. Тоа е одличен додаток на вашата вечерна рутина поради многуте здравствени придобивки, кои може да вклучуваат помагање при несоница и олеснување на варењето.
Чај од цимет
Познато е дека циметот има анти-воспалителни, антиоксидантни и антибактериски ефекти, што го прави одличен додаток на вашиот омилен вид чај, а може да се користи и самостојно.
„Една од најпопуларните придобивки од циметот е неговата способност да го намали шеќерот во крвта со текот на времето“, вели Едерер.