Чешките власти преговараат со фармацевтската компанија „АстраЗенека“ за испорака на дополнителни вакцини против ковид-19 покрај трите милиони дози, кои претходно беа резервирани за таа земја во согласност со договорот со ЕУ, пренесува порталот „Seznam Zpravy“.
Во извештајот, повикувајќи се на изјава на портпарол на Министерството за здравство, се вели дека британско-шведскиот производител на лекови и понудил на Чешка дополнителни количини на својата вакцина и дека биле преговарани детали, како што се бројот на дозите, цената и датумот на испорака.
Извршното тело на ЕУ, Европската комисија, потпиша договори за снабдување со производители на вакцини и се планира да се дистрибуираат дозите пропорционално на земјите-членки.
Притоа, членовите се обврзаа да не спроведуваат паралелни преговори за вакцинирање со фармацевтски компании.
Во саботниот извештај на порталот Seznam Zpravy се вели дека Министерството за здравство допрва треба да провери до кој степен билатералните договори се во согласност со договорот со ЕУ.