Здравјето на срцето во голема мера зависи од типот на масти што ги консумираме. Иако мастите се неопходен дел од урамнотежена исхрана, не сите масти се создадени еднакви. Некои од нив се крајно нездрави, како што се оние кои се наоѓаат во пржена или високо преработена храна.
Од друга страна, здравите масти – како што се мононезаситените и полинезаситените масти кои се наоѓаат во храната како авокадо, маслиново масло, јаткасти плодови и масна риба – играат клучна улога во одржувањето на здравјето на срцето.
Диететичарот и нутриционист Јохана Ангман откри четири типа на здрави масти кои треба почесто да се консумираат за да се подобри кардиоваскуларниот систем и да се намали холестеролот.
1. Авокадо
Авокадото е богато со влакна и здрави масти кои придонесуваат за чувството на ситост и го намалуваат вкупниот внес на калории. Покрај тоа, авокадото содржи мононезаситени масти кои помагаат да се намали „лошиот“ холестерол (ЛДЛ). Помалку познат факт е дека оваа суперхрана е богата со калиум, кој е клучен за здравјето на срцето и го намалува ризикот од срцеви заболувања.
„Авокадото е богато со мононезаситени масти, кои го намалуваат лошиот холестерол и го зголемуваат добриот холестерол. Тие исто така обезбедуваат чувство на ситост, намалувајќи го севкупниот внес на калории“, вели Ангман за SheFinds.
2. Масна риба
Масните риби како лососот, скушата и сардините се богати со омега-3 масни киселини, особено со EPA (еикозапентаенонска киселина) и DHA (докосахексаеноична киселина). Овие масти се неопходни за многу телесни функции и се поврзани со промовирање на губење на тежината.
„Лососот, скушата и сардините се богати со омега-3 масни киселини кои ги намалуваат триглицеридите и ризикот од срцеви заболувања. Омега-3 исто така го поддржуваат слабеењето со подобрување на метаболичкото здравје“, открива нутриционистот.
3. Јаткасти плодови
Мононезаситените и полинезаситените масти во јаткастите плодови помагаат во намалување на ЛДЛ холестеролот, познат како „лош“ холестерол. Покрај тоа, тие го зголемуваат нивото на ХДЛ холестерол, „добриот“ холестерол, кој помага да се отстрани ЛДЛ од артериите.
Ангман истакнува: „Бадемите, оревите и ф’стаците се одлични извори на здрави масти, влакна и протеини. Тие помагаат да се намали холестеролот и да се чувствувате сити, спречувајќи прејадување“.
4. Маслиново масло
Маслиновото масло содржи мононезаситени масти, особено олеинска киселина, која е позната по своите здравствени придобивки. Овие масти помагаат да се намали нивото на ЛДЛ холестерол, што е клучно за намалување на ризикот од срцеви заболувања.
„Екстра девственото маслиново масло е богато со антиоксиданси и мононезаситени масти, кои го намалуваат воспалението и го подобруваат нивото на холестерол. Тоа е клучна состојка на медитеранската исхрана здрава за срцето“, заклучува Ангман.