Без оглед на големиот публицитет што руските медиуми им го даваат на своите вакцини против ковид -19, не може да се каже дека постои голем интерес кај граѓаните за вакцинација.
Претседателката на Меѓународната асоцијација на специјалисти од областа на инфекциите, д-р Ирина Шестакова, тврди дека 21 процент од руските граѓани се подготвени да се вакцинираат.
За споредба, дури 97 проценти од населението во Кина е заинтересирано за вакцинација против ковид. И во земјите на ЕУ, интересот за вакцинација е доста голем – дури 65 проценти.
Руската вицепремиерка Татјана Голикова тврди дека Русите ќе можат да изберат со која вакцина сакаат да се вакцинираат во првиот квартал од 2021 година.
Засега, Русите ги вакцинираат своите граѓани со вакцини направени од центарот „Николај Гамалеja“ од Москва и центарот „Вектор“ од Новосибирск.
Патем, вицепремиерката Татјана Голикова и главниот санитарен лекар на Русија д-р Ана Попова ја примија вакцината „ЕпиВакКорона“ направена од „Вектор“ од Новосибирск.Ова е логично затоа што сопственикот на центарот „Вектор“ е руска државна институција. „Роспотребнадзор“, на чело со професорката Ана Попова.
Вакцината направена од Федералниот научен центар за истражување на имунолошки препарати „М. Чумакова“ од Москва исто така се тестира. Регистрацијата на вакцината се очекува во февруари 2021 година.
Се тестира и вакцината „Урал“, што ја направи фабриката „Медсинтез“ во регионот Свердловск. Испитувањата на вакцината ќе траат околу една година.
Професор д-р Александар Гинзбург, раководител на центарот „Н. Гамалеја“, кој ја направи вакцината „Спутник“, објави дека новиот препарат направен врз основа на концентрацијата на антитела против корона ќе биде тестиран во првата и втората фаза на есента 2021 година.
Овој препарат ќе им помогне на пациентите да преживеат додека не се појават нивните антитела.
– Знаеме како да ги чуваме антителата во човечкото тело. Овој наш препарат ќе им се дава на пациентите како инфузија.
Сличен коктел со антитела произведен од компанијата „Регенерација фармацевтикалс“ му беше даден и на американскиот претседател Трамп, објасни проф. Гинзбург.
Тој објасни дека препаратот ќе биде значително поскап од вакцината за корона.
Третманот на Трамп чинеше околу сто илјади долари.