Како што најави српската премиерка Ана Брнабиќ, утре во Србија ќе започне масовна имунизација на населението против коронавирусот.
Засега, Агенцијата за лекови и медицински помагала (АЛИМС) издаде лиценца за употреба на две вакцини во Србија – Фајзер / Бајонтек и „Спутник V“. Како што објави Павле Зелиќ од АЛИМС, кинеската вакцина произведена од компанијата „Синофарм“ најверојатно ќе се најде на оваа листа до крајот на денешниот ден.
Првиот контингент вакцини „Синофарм“ пристигна во Србија на 16 јануари. Тоа е вакцина која работи на принципот на умртвени честички на коронавирус.
Нејзината ефикасност, според најновите истражувања, е помеѓу 80 и 86 проценти. За разлика од другите вакцини против корона, кинеската вакцина „Синофарм“ е направена од самиот коронавирус, поточно од различни варијанти земени од пациенти од кинески болници. Оваа вакцина „го учи“ имунолошкиот систем да создава антитела против коронавирусот изложувајќи го телото на умртвени делови на вирусот, така што не постои ризик од сериозен одговор на телото.
Вакцината „Синофарм“ се дава во две дози во рок од 28 дена, а студиите покажаа дека успешно активира одговор на имунитет кај 99 проценти од пациентите, без сериозни несакани ефекти.
Српскиот истакнат виролог д-р Ана Глигиќ исто така зборуваше позитивно за кинеската вакцина „Синофарм“.
„Кинеската вакцина е направена од целиот вирус“, вели д-р Глигиќ за Телеграф. „Но, Кинезите веќе вакцинираа голем број луѓе со вакцината ‘СиноВак’, што беше направена на носач како руската ‘Спутник V’ и како оксфордската. Меѓутоа, сега, поради евидентната мутација на вирусот, Кинезите ја направија вакцина ‘Синофарм’, која е од целиот вирус, а која ќе штити од мутации“
Д-р Глигиќ објаснува дека кога се користи вакцина која има „парче“ од вирусот, тогаш постои заштита само од тоа парче.
„Русите исто така развија ваква вакцина. Сега имате и ‘мртва вакцина’ и вакцина на носач. Од самиот почеток, јас бев поддржувач на класичните вакцини кои, прво, даваат добра заштита, и второ, имунитетот трае долго време. Оваа вакцина штити не само од вирусот што напаѓа, туку и од други корони бидејќи е направена од целиот вирус“, посочува докторката.
Таа објасни дека „мртвата вакцина“ е многу полесна за правење, но дека тие се за т.н. жива, ослабена вакцина што може да обезбеди доживотна заштита.