Вакцинацијата против вирусот корона во Србија е во полн ек, но поради непочитување на мерките, има мало зголемување на бројот на пациенти. Многумина кои ја примиле првата доза на вакцина, не го послушале советот на лекарите да продолжат да носат маски и да следат други мерки. Епидемиолозите потсетуваат дека за да се добие целосна заштита од потешките форми на ковид 19, потребно е вакцинираните да примаат две дози од избраната вакцина. Сепак, има и такви кои се опуштија откако ја примија првата доза и се заразија со вирусот САРС-КоВ-2 пред да ја примат втората доза на вакцината.
Тие сега се сомневаат што да прават кога станува збор за примање на целосна доза на вакцина.
Луѓето кои ја примиле првата доза на вакцина и во меѓувреме добиле инфекција, треба да почекаат еден месец по лекувањето – вели епидемиологот д-р Предраг Кон за Телеграф.
Ако имаат антитела, може да се продолжи на три месеци. Епидемиолозите, исто како и производителите на вакцини за коронавируси, нагласуваат дека дури и по приемот на двете дози на вакцината, потребно е време за стекнување на имунитет.
Тие исто така велат дека првата доза на вакцина кај многу имунизирани лица нема да обезбеди доволна заштита; само една до две недели по втората доза може да се очекува дека повеќето вакцинирани ќе бидат заштитени од добивање на потешки форми на ковид 19.