Да се спречи формирање на Влада е државен удар! Денеска се избира претседател на Парламентот!

 „Ставот е јасен, тоа е државен удар да се спречи формирање на влада, но сакаме по мирен пат да ги движиме работите. Постои ветување на албанските партии преточено во декларација за појдовни точки за преговори за влада. Тоа беше поставено пред Груевски, а сега и со СДСМ. Ние објавивме програма на Влада и веќе нема партиски програми и декларации. Како би било јас да кажам дека Груевски е во Тиранска влада, нема да биде чесно. Затоа го повикувам на дуел заедно со Иванов за да ги разјасниме овие работи пред народот“, рече Заев.

Тој посочи  дека денечната дебата  во Парламентот ќе биде исто така можност да се слушне која е вистината, дека не е загрозена унитарноста на Македонија , туку  едноставно станува збор само промена на власта, а  дека повеќе од јасно е некој не сака да си оди.

-НЕ сака да си оди затоа што ќе биде суден и ние ветуваме владеење на правото, а  за сите кои се огрешиле од законот да си одговараат, тоа е нашата владина програма. Јас одам секој ден на суд и тој ќе си оди, рече Заев.

-Избори заедно со локални е само замајување, ете и да ги има на тие ќе победиме, и Иванов пак нема да ни го дава мандатот! тоа е само губење време и пари. Сега се промените, сега го имаме мнозинството и ако не утре тогаш задутре ќе изберем нов Парламент, Претседател , а потоа и нова Влада, тоа е патот нема враќање назад.

Заев повика отворено да се смират страстите дека брбата и арената сега треба да биде  во Парлаентот и собраниската дебата која сите можат да ја гледаат и да видат кој за што се залага.

Не смее да се дозволат судири,порача Заев,  нема да ја снема Македонија , ќе избереме претседател на Парламент, потоа ќе му дадеме ушете 10 дена на Иванов да го додели мандатот, и нема друго порача во вечерашното интервју лидерот на СДСМ и претендент за иден премиер Зоран Заев.