Дачиќ до Тачи: Ако е признавање на Косово или ништо – тогаш ништо

Министерот за надворешни работи Ивица Дачиќ изјави денеска дека Белград сака дијалог со Приштина со резултат што ќе гарантира траен мир и стабилност.

Одговарајќи на изјавата на Хашим Тачи, кој рече дека сака дијалог, но дека резултатот ќе биде признавање на Косово или ништо, Дачиќ рече:

„Ако е признавање на Косово или ништо – тогаш ништо. Ајде да бидеме целосно отворени“, им рече Дачиќ пред новинарите во Министерството за надворешни работи.

Тој рече дека е нереално и непристојно да се влезе во дијалог на тој начин, како што тоа го гледа Тачи.