Даку ќе добие суспензија поради навредите кон Македонците?

Напаѓачот на албанската репрезентација Мирлинд Даку според последните најави на шпански „АС“ ќе биде суспендиран на неколку натпревари. Даку ги навредуваше Македонците по натпреварот против Хрватска, а УЕФА објави дека е отворена истрага.

Засега нема потврда каква ќе биде казнета, меѓутоа „АС“ објави дека казната ќе биде суспензија на неколку натпревари.

Следен натпревар кој Албанија треба да го игра на Европското првенство е против Шпанија во последното коло од групната фаза.