Делови од Скопје денеска без вода

ЈП „Водовод и канализација“ извести дека денеска делови од Скопје ќе имаат прекинато водоснабдување.

Како што информираат, прекинот е поради водоводен приклучок на улица „Козле“ број 91, во Карпош.

Поради поврзување од стара на нова водоводна мрежа ф-80 милиметри на улицата „Струшка“ број 7, без вода денеска од 9 часот ќе бидат дел од корисниците од улиците „Струшка“ и „Јуриј Гагарин“.

Поради санирање дефект на ул. „515“ бр. 12 (по ново улица „Јордан Мијалков“) во населба Ќерамидница, без вода од 9 часот ќе бидат корисниците од улиците „512“, „515“, „516“ и „520“.