Дембеле ги продолжи тренинзите, би можел да биде подготвен за реваншот со Арсенал

Една од ѕвездите на Пари Сен Жермен, Усман Дембеле, се врати на тренинзите пред реваншот од полуфиналето на Лигата на шампионите против Арсенал.

Крилниот напаѓач заработи повреда на тетивата за време на првиот натпревар, кој ПСЖ го доби против Арсенал (1:0) во Лондон. Според „Екип“, играчот работел во теретана вчера, а денес се вратил на тренинзите со првиот тим.

Во клубот расте оптимизмот дека Дембеле може да учествува во реваншот. Тој ќе се одржи на 7 мај во Париз. Доколку сè оди според планот, фудбалерот ќе може да игра против „топџиите“.