Денеска комеморација за штипјаните кои загинаа во пожарот во Кочани

Општина Штип објави дека ќе организира Комеморативна седница во чест на загинатите во трагичната несреќа во Кочани.

Како чин на почит и солидарност со семејствата на жртвите, комеморацијата ќе се одржи во големата сала на Домот на културата – НУЦК „Ацо Шопов“ во Штип, денес, 21 март 2025 година, со почеток во 13:00 часот.

Општината истакна дека на овој начин се оддава вечен спомен на трагично загубените животи и се споделува тагата со нивните најблиски.