Денеска во Основниот кривичен суд Скопје треба да се одржи првото рочиште од судењето против сопственикот на порталот „ДоказМ“, Марјан Стаменковски за кој ОЈО Скопје поднесе обвинителен предлог на 17-ти февруари.
Стаменковски се товари дека преку веб порталот во негова сопственост, како средство за извршување, сторил повеќе кривични дела: две кривични дела – Ширење на расистички и ксенофобичен материјал по пат на компјутерски систем, едно кривично дело – Уцена, едно кривично дело – Пиратерија на аудиовизуелно дело и кривично дело – Злоупотреба на лични податоци.
Предметот беше оформен по поднесени кривични пријави против обвинетиот од повеќе жртви во текот на 2022 и од почетокот на 2023 година, а во врска со објавени содржини на веб порталот во негова сопственост. Пријавите се од две новинарки и еден владика.
Процесот го води судијката Марија Клетничка Марковска.