Силна експлозија одекна во Чачак вечерва околу 20 часот. Според порталот Нова.рс, во компанијата „Слобода“ се случила експлозија нешто пред 20 часот.
Тројца работници се здобиле со полесни повреди, пренесе РТС.
Според д-р Александар Пајовиќ, директор на Здравствениот дом во Чачак, тие биле пренесени во Општата болница во Чачак.
Четири екипи на брза помош се подготвени во фабриката, но пожарникарите сè уште не им дозволуваат да влезат во кругот на фабриката.
Градскиот штаб за вонредни ситуации нареди евакуација на граѓаните од околината на фабриката, а местото на средбата е стадионот на фудбалскиот клуб „Борац“.
Според репортерот на „Нова“, кој е на местото на настанот, полицијата и обезбедувањето не дозволуваат пристап до фабриката.
Според РТС, детонацијата се почувствувала и во центарот на Чачак.
Експлозијата во магацинот на готови производи на фабриката „Слобода“ во Чачак се случи и на 4 јуни годинава, но немаше повредени.