Џејк Гиленхал не може да престане да се смее, бидејќи има нова, сериозна девојка. Холивудскиот актер веќе неколку месеци излегува со францускиот модел Жан Кади.
38-годишната ѕвезда на филмот “Spider-Man: Far from Home” беше забележан на вечера со 22-годишната Французинка во локалот “Sweetgreen” во Брајант Парк, Њујорк, во понеделникот вечер.
Еден извор кој ја забележал среќната двојка раскажува за Пејџ Сикс: “Џејк беше супер насмеан. Изгледаше многу среќен. Тој и неговата девојка не престанаа да се гушкаат и дефинитивно изгледаа среќни да бидат заедно. “
Гиленхал и Кади беа забележани заедно за прв пат на крајот на минатиот месец додека се шетаа низ Париз.
Според актерот, тој е во врска со прекрасната бринета од јуни 2018 година. Во минатото Џејк излегувал со Тејлор Свифт, Кирстен Данст, Алиша Милер и Емили Ди Донато, но со години немал сериозна девојка.