Левиот бек Лука Дин и официјално се пресели во Астон Вила од Евертон, соопшти денеска клубот од Бирмингем. Висината на трансферот е околу 25 милиони фунти, а самиот Французин за клупската веб-страница објасни дека главен фактор за неговата одлука да премине во Вила бил Стивен Џерард, кој на чело на тимот е само неколку недели.
„Дојдов овде поради менаџерот. Имав многу добра средба со него, разговаравме неколку пати во последниот месец. Ја почувствував неговата желба да победува, да покаже што сака како менаџер – напаѓачки фудбал, посед на топка. Истото го чувствував и посакував и сакам да им го покажам на фановите“, изјави Лука Дин.
Францускиот дефанзивец може да дебитира за својот нов тим во сабота, кога тимот Бирмингем од 18:30 часот по македонско време е домаќин на Манчестер Јунајтед.
Bonjour, Villans…
— Aston Villa (@AVFCOfficial) January 13, 2022